日記佬大聯盟

Helluuuuuuuuuuuuu

為了紀念我在台灣打過的無數喊露，我決定要效法偉大的tammy始祖，寫遊記！！！

嚴格黎講由於今次唔係旅遊，我地只有夜晚＋略略加埋一日既自遊活動時間，所以去既地方係十分少而遺憾的

大鄉里坐到窗口位就梗影返張=///////=

落機第二日就要7點上旅遊巴，首先去輔大猴既輔大，再集合搭一粒鐘車去新竹內灣。可見行程不是一般的chur

我好c mo台灣既校園成日一抬頭就見到一大片藍天 不過勁曬是真的

內灣條老街又真係幾靚既衰鬼

但其實主菜係間叫「天人岩屋」既training house度攀石、認野菜同模擬逃生

 So，what is 模擬逃生？

就話說佢間屋好特別，好野外好多樹，而外牆是咁的：

打開啲窗可以行出去d類似露台既平台，但用途當然唔係乘涼／享受人生喇

而係用黎逃生！！！！！

佢會比條繩你，你就cool條隔甩底下面，然後跳落去⋯

其實係幾好玩既

到左星期六，趙導遊帶左我去士林的咖啡弄朝聖，真是好好食，仲好似係我係台灣最唔油既一餐

聽講佢本身仲想帶我去公館，點知搭錯線，最後去左佢話有台北中環之稱既 信義區！！

本身想於101前影返張遊客照，可惜趙導既攝影技術超卓，成果後現代藝術味太濃，同我呢D凡夫俗子實在不相襯

由此可見，趙導既非商業風攝影風格應該會係佢成為出色導遊既絆腳石

OK，下回續