日記佬大聯盟

冇錯, 京城之旅轉眼就完。
本應都仲有2日, 但係最後兩日由於身體不適, 行程相當簡單, 冇咩特別分享了。

Day 5
由於北京鄰近天津，搭火車過去都只係半個鐘左右既事，
所以好多人去北京都會順道到天津玩一日
呢日原定就係plan左天津一日遊，
但係由於肚痛得太交關，所以就臨時取消左
佢響旅館典床典席之際，我就自己一個出左去旅館附近行下。

自己去闖蕩，多麼有型 B-)

我地旅館響前門站附近，都有唔少景點嫁！
我周圍亂咁行下，首先經過呢間門面勁豪華浮奢既祥華號，
偷聽到門口啲人談論話佢係以前進貢絲綢既老店！
依家就賣下衫咁
綾羅綢緞呢家野我梗係冇入去喇

之後再亂咁行下，就行到呢個佔地非常之咁大既劉老根大舞台！
聽講係非常出名既雜技、大戲表演場地，
不過冇錢又冇時間，下次有機會先睇lu

參觀下佢既偌大門面算～

就響呢個時間！竟然比我發現左…有個男人…出手摸一個暴露既雕像……

我真係ｏ晒

Day 6

又到左離別既日子 :(
當初諗住響北京盡量留夜啲（典型港人旅遊習慣?）
於是買左8點幾機票，
點知撞正唔舒服，急不及待想返香港睇醫生，
就真係玩著自己了 LOL

由於hostel check-out時間同上機中間有個空檔，
本身諗住去圓明園，（我好想去Q_Q）
但廢事周圍行咁多，就去左鄧核突個校園，搵佢食餐餞行飯。

全程既情況大約係咁LOL

之後鄧核突有堂上，我地就響北京校園既學生cafe 感受下校園氣息lol
等到夠鐘，就搭飛機走lu！

北京之旅就係咁就完結了。

其實今次行程同計劃中都幾唔同下LOL
因為成日訓得晏同埋因為病情都有唔少臨時既轉變，
去少左好多地方。

不過咁樣隨心玩都幾relax，冇乜壓力

此行真係要好多謝鄧核突同馬得意既熱情招待喇！！！
雖然我覺得同核突見得有啲少 :(
之後鄧核突又去法國喇，仲邀情我再去探佢
雖然係幾吸引（仲有專人plan行程LOL），但係去歐洲會唔會太大想頭啊？？？

最後就係想講，北京啲人比想像中實在友善太多啦
由我第一篇遊記都睇得出我有幾擔心內地既治安LOL
到最後呢篇，我竟然敢自己一個行出街fing，
可見我放左幾多心！

響呢度見到既路人都幾樸實，問路都幾熱心幫忙，
而且性格都比較豪爽氣粗既，
就算滑雪場成日剷爆其他人，都係一句「沒事兒！」
仲教我點樣會好啲，幾好嫁！

但係相比起黎，鋪頭戈啲人就比較奸啲喇。
佢地成日一聽就聽得出唔係本地人
（北京捲舌未免太難學喇卦？！）
跟住就會話：「我之前都有個廣東黎既客，都食過返尋味！」
第一次聽我都信，
點知類似既故事竟然響其他鋪頭又聽左幾次，我終於發覺可能係店家都曉講既罐頭故事LOL

同埋試過買啲斷磅計既野，個店主又側側薄不多啲，
本身同佢講要一磅，佢不夠兩磅，仲笑笑口話：「食多啲喇！」
唔洗錢咩老細……

同埋第一晚我地去左食野，本身覺得好好味！
（老細又講左戈個「廣東客都話過好好味」既故事）
點知戈晚返到hostel，發現個口係非一般地乾！(乾到口臭呀真係)
就知瀨晒野，原來一切都係重口味精！
應該都唔少得戈啲咩咩瘦肉精牛肉精豬肉精嫁喇sosad

另外，響當地遇到外國人就格外覺得親切LOL
因為大家都係遊客！
戈時去長城比黑車司機纏住時，就同另一對俄羅斯黎既遊客夾埋話「千祈唔好搭戈架黑車！」
戈種「結盟」既感覺有點正 LOL

仲有印象好深刻既，係北京係非常乾淨！
條街真係仲乾淨過香港！
永遠都會見到有清潔工坐住架電動車仔，響條街度巡邏，然後用個鉗仔將地下好小小小既垃圾夾起…

經過京奧洗禮既城市係唔同啲？

不過空氣就真係爭啲既…
雖然我成日都見到藍天@@
但係出左去2日，隻鞋面就有一層薄薄既灰塵！0口0
而且鼻屎都多左！（<-好指標）

總括黎講，今次旅程見識過中國明清朝既奢華、長城既悲壯、老北京既樸素同現代北京既文明，
都幾圓滿丫！^_^
不過北京古老建築好多，一次都睇唔晒，睇下有冇機會再去啦？:P