close
上回講到趙導遊帶我去士林＋信義 （無錯事隔半年之後我要若無其事咁寫埋佢）
另外有日我地有半日既自由活動時間，我同個fd就決定去一轉九份食芋圓！！！
我地基本上零準備搵到搭咩車就狗衝左去搭，連要搭幾耐都唔知…
當日天氣其實唔多好有d雨，不過成件事好有feel，天色迷濛有種仙境既感覺
（好似影得有d衰蝦蝦)
Anyways!!! 佢d內街仲靚！
真係有千與千尋既感覺，同樸素既古典韻味(如果冇咁多遊客既話)，而且有好多樓梯小巷， 我真係好想行晒佢呀
仲見到好多好文青既cafe 小店etc，真係想逐間入去chill下呀媽咪！！
而聽聞九份仲出名陶笛？！於是我諗住買個做手信，最後我自己都買左個
因為好靚..........
你問我返到香港有冇吹過？傻豬黎既藝術品用黎裝飾架喎！！
呢間係是但入去食，但記得好似都係好味
另外！！阿婆芋圓真係好好食，煙韌到不行而且真係有好香既芋頭味，綠茶味都勁好味！！！唔係假到喊既綠茶味！！！
我好肚餓好掛住咁有誠意既芋頭 Q＿Q
但由於要趕返酒店開會＋身心極度疲累，我地行左大約一半就要喇
總之我未行完就已經深深愛上左呢個地方，而且好想住下佢d民宿！！！
諗到一起身就望到個迷迷濛濛既山城，打開窗就吸到Respiration新鮮出爐既氧氣，就覺得人生應當如此！！！
所以我既新心願就係住一住九份民宿，換個九份山區肺！！
－九份部分完－
全站熱搜
留言列表
日記佬 (1)